8 لقاءات

أيام الثلاثاء 18:00 - 21:00

ابتداءً من 8/4 في مسرح سرد - حيفا

شو يعني رقص؟ شو يعني أداء؟

هل الراقص هو بس شخصيّة عم ترقص؟ وهل المؤدي دايماً بكون عالخشبة تحت إضاءة المسرح؟ هل الرقص بقدر يكون حركة سير؟ ورق عنب بلعبوا مع الريح؟ الأمواج اللي بتتكسّر على الشط؟ بركي المؤدي هو نفسه الخبّاز، المصوّرة من ورا عدسة الكاميرا، أو يمكن الشمس وهي تغرب وتغطس بالبحر؟

دعوة نتطلّع عالعالم من عيون "خلّاقة" ونعيد نظر بمفاهيمنا بالنسبة للرقص، للجسم، للتصميم والأداء. فرصة إلنا نتمعّن ونتأمّل شو بصير بداخلنا ونجسّده على أرض الواقع.

رح نروح سوا في رحلة، نطرح اسئلة، نخلق مختبر جسماني-عقلاني-روحاني.. نرقص رقصة حياتنا.